Waxa aad ka ogaaneyso is reereebka doorashada Minnesota ee 2024
Go Deeper.
Create an account or log in to save stories.
Like this?
Thanks for liking this story! We have added it to a list of your favorite stories.
13ka Ogoosto, dadka Minnesota waxay u codeyn doonaan doorashada is reereebka ah ee 2024 si ay go'aan uga gaaraan murashixiinta doorashada guud ee Nofeembar. Halkan ka akhriso waxa aad ka ogaaneyso is reereebka doorashada Minnesota:
Miyaan u diiwaan gashanahay in aad codeeyo?
Diiwaangelintaada codeynta sida aad ku hubsan karto waa adiga oo booqda barta intarnetka ee Xoghayaha Arrimaha Gobolka Minnesota. (tarjumaad ayaa laguu hayaa)
Sidee baan isugu diiwaangelin karaa in aad codeeyo?
Dadka Minnesota maalinta doorashada ayey iska diiwaangelin karaan Goobta Codbixinta. Caddeyn ah deggenaansho ayaa la iska rabaa, balse waxaa jira siyaabo kale oo aan ahayn kaarka aqoonsiga oo lagu caddeyn karo deggenaanshaha cinwaanka hadda ah. Halkan ayaad ka heleysaa siyaabaha aad degganaanshaha ku caddeyn karto si aad u codeyso isla maalintaas. (tarjumaad ayaa laguu hayaa) Waxaad iska diiwaan gelin kartaa ama macluumaadka codeyntaada aad ka hubsan kartaa halkan.
Turn Up Your Support
MPR News helps you turn down the noise and build shared understanding. Turn up your support for this public resource and keep trusted journalism accessible to all.
Ka warran haddii aan shaqeynayo maalinta doorashada?
Dadka Minnesota waxa ay xaq u leeyihiin in ay shaqada ka soo qaataan fasax si ay u soo codeeyaan (tarjumaad ayaa laguu hayaa) iyagoo aysan ku dhacayn mushaar la'aan ama aysan isticmaaleyn fasaxooda xanuunka ama fasaxooda sannadka. Shaqaaluhu waxay goobaha shaqada tusi karaan warqad ka socota Xoghayaha Arrimaha Gobolka (tarjumaad ayaa laguu hayaa) taas oo u sharxeysa sababta.
Ka warran haddii aanan si shakhsi ah ugu soo codeyn karin goobaha codbixinta?
Codbixinta hore ee doorashada is reereebka ah ayaa kuu furan. Su'aalaha iyo jawaabaha la is weydiin karo ayaa kuugu qoran halkan (LAMA soo turjumin). Codbixiyeyaasha Minnesota ee xaqa u leh waxa kale oo loo hayaa waraaqaha codbixinta dadka maqan iyo in loo soo diro waraaqaha codbixinta. Dadka maqan ama dadka soo diraya waraaqaha codbixinta waa in ay soo diraan oo laga helo maalinta doorashada ama waa in ay keenaan ilaa 8da fiidnimo maalinta doorashada. Waxaad tilmaamo dheeraad ah ka heli kartaa halkan
(LAMA soo turjumin).
Halkee baan ku soo codeynayaa?
Halkan ka raadso goobta aad ku soo codeyneyso (tarjumaad ayaa laguu hayaa). Waxaa laga yaabaa in la beddelay meeshii ugu dambeysay ee aad ku soo codeysay, gaar ahaan marka dhawaan dadka Minnesota loo kala calaamadiyey soohdimaha codeynta.
Goorma ayaan soo codeynayaa?
Goobaha codbixinta waxay furan yihiin 13ka Ogoosto 7da aroornimo ilaa 8da fiidnimo. Waxaad ka eegan kartaa goobta codbixinta deegaankaaga (turjumaad ayaa laguu hayaa) oo waa faahfaahin ku saabsan goobtaas.
Maxaan u soo qaadanayaa goobta codbixinta?
Haddii aad u diiwaangashan tahay inaad codeyso, uma baahnid in aad aqoonsi soo qaadato. Haddii aad beddeshay cinwaankaaga ama aadan codeyn afar sano, waa in aad hubsato diiwaangelintaada caddeynta degganaanshaha (turjumaad ayaa laguu hayaa).
Maxaa ku qoran waraaqda codbixinta?
Waxa ay ku xiran tahay meesha aad ku nooshahay ee Minnesota. Waraaqaha doorashada is reereebka ah ee Minnesota waxay leeyihiin qeybo kala gaar ah oo loogu talagalay tartanka xisbiyada iyo tartan aan xisbi ahayn. Waraaqda codbixinta xisbiyada, codbixiyeyaashu waxay dooranayaan xisbi iyo murashixiin ka socota xisbigaas oo keliya. Tartanka aan xisbi ku xirneyn waxaa ka mid noqon kara shariifyada deegaamada, qareennada deegaamada iyo xubnaha guddoonka iskuullada oo iyagu ma aha kuwa lagu sooco xisbi siyaasadeed. Sida ugu fiican ee aad ku heleyso wax kasta oo ku qoran waraaqda codbixinta waa in aad ku qorto cinwaankaaga (tarjumaad ayaa laguu hayaa) iyo in aad aragto tusaalaha waraaqda codbixinta ah ee ku jirta barta intarnetka ee Xoghayaha Arrimaha Gobolka Minnesota. Macluumaad dheeraad ah oo ku saabsan murashax kasta oo u taagan doorashada 2024 ka eego hagaha codbixiyaha ee MPR News.
