Yuav ua li cas yog ICE nres koj: Ib tug kws lij choj teb qee cov lus nug
Go Deeper.
Create an account or log in to save stories.
Like this?
Thanks for liking this story! We have added it to a list of your favorite stories.
Vim muaj kev tswj hwm kev tsiv teb tsaws chaw uas nce ntxiv thoob Minnesota, coob leej tab tom nug ib lo lus nug uas tseem ceeb heev: Kuv muaj txoj cai dab tsi yog tia ICE los nres kuv?
Tus thawj tshaj xov xwm ntawm MPR News, Sarah Thamer, tau tham nrog Gloria Contreras Edin, ib tug kws lij choj ua haujlwm rau kev tsiv teb tsaws chaw. Lawd tham txog yam uas yuav tsum ua yog tias ICE lossis lwm tus neeg sawv cev tsoomfwv nres koj hauv tsheb, los nres koj ntawm kev, lossis tuaj txog koj lub tsev.
Yog ICE nres koj thaum koj tab tom tsav tsheb, koj yuav tsum ua li cas? Koj puas yuav tsum nres tsheb los yog tsav mus ntxiv?
Txawm tias qhov no yog ib yam uas txaus ntshai heev thiab ua rau yus ntxhov siab thaum raug ICE nres, kuv thawj qhov kev pom zoo yog kom koj nyob tus yees thiab nres koj lub tsheb. Tsis txhob tsav khiav mus lossis tawm tsam, thiab ua raws li tus neeg sawv cev nws cov lus qhia.
Yog tus neeg sawv cev ICE nug tias, koj puas yog pejxeem Asmeskas? koj puas yuav tsum teb?
Koj tsis tas yuav teb lo lus nug ntawd tshwj tsis yog koj xav teb. Thaum koj raug nres lawm, koj tsis tas yuav teb ib lo lus nug twg li, tshwj xeeb yog [los ntawm] tus neeg sawv cev ICE Tiamsis yog rau tus tub ceev xwm [hauv zos] mas nws txawv me ntsis, tab sis rau ICE, koj tsis tas yuav tham nrog lawd txog koj qhov xwm thxeej ua pejxeem. Qhov ntawd tsis yog lawd li haujlwm paub txog.
Turn Up Your Support
MPR News helps you turn down the noise and build shared understanding. Turn up your support for this public resource and keep trusted journalism accessible to all.
Yog koj xav nyob twj ywm, koj yuav teb li cas? Koj puas yuav tsum hais ib yam dab tsi li?
Qhov no nyob ntawm tus neeg thiab seb nws puas xav nrog ICE tham. Cov pejxeem Asmeskas yeej muaj cai hais tias lawd yog pejxeem Asmeskas yog lawd xav hais, ntxiv rau qhov yuav tsum nyob tus yees thiab tsis txhob tawm tsam. Ib qho tseem ceeb ntxiv yog nco ntsoov tias cov neeg sawv cev ICE kuj ntshai ib yam nkaus, yog li ntawd nws tseem ceeb heev kom koj ob txhais tes nyob qhov chaw uas pom tau thiab tso rau saum lub kauj tsheb. Kuv ib txwm qhia li no rau tibneeg vim tias muaj kev pheej hmoo siab heev rau kev txav ceev vim nws muaj kev raug txhais tias yus tab tom mus rub rab phom
Koj muaj kev xaiv. Koj tuaj yeem xaiv qhia rau lawd tias koj yog pej eem Asmeskas thiab qhia koj tus kheej yog leej twg, lossis koj tuaj yeem nug lawd tias qhov no puas yog kev ntes. Yog lawd teb tias tsis yog, koj tsis raug ntes, ces koj tuaj yeem nug ntxiv tias, Kuv puas muaj cai mus, yog li? Yog tus tub ceev xwm teb tias yog, koj muaj cai mus tau lawm, ces koj yuav tsum tsav tsheb mus kom tus yees, thiab xav tias cov neeg sawv cev twb nyob rau qhov chaw deb lawm.
Koj kuj tuaj yeem xaiv nyob twj ywm tsis hais dabtsi los tau. Koj hais tau tias, Kuv tab tom siv kuv txoj cai nyob twj ywm tsis hais dabtsi thiab kuv xav nrog ib tug kws lij choj tham. Tus neeg yeej muaj cai nyob twj ywm tsis hais dabtsi. Qhov tseem ceeb tshaj yog, yog koj tau xaiv nyob twj ywm lawm, ces koj yuav tsum nyob twj ywm tiag. Qhov no yog koj txoj cai raws li txoj cai lij choj hauv tebchaws. Ib qho tseem ceeb ntxiv yog tias muab dabtsi txhwm sim, tsis txhob dag txog koj tus kheej yog leej twg li. Cov pejxeem Asmeskas tej zaum tsuas xav qhia ib feem ntawm lawd lub npe thiab xwb.
Yog koj yuav muab ib lub npe, ces muab koj lub npe tas nhro, tabsis koj
tsis tas yuav qhia koj cov ntauj ntawv tsiv teb tsaws chaw lossis cov ntaub ntawv ua pejxeem rau cov neeg sawv cev ICE. Txoj cai tsis yuam kom koj
ua li ntawd.
Puab yog tam sim no muaj ntau dua qub uas cov neeg tsiv teb tsaws chaw uas yog pejxeem Asmeskas raug ICE nres lossis raug nug lus?
Qhov ntawd yog qhov tseeb. Peb tau txais ntau tsab xov tooj ntawm coob leej uas hu tuaj qhia txog lawd raug kev thab—qee leej yog pejxeem Asmeskas—thiab lawd raug hem tias yuav siv lub zog, xws li muab rab phom tsa taw rau ntawm lawd taub hau. Peb kuj tau txais ntawv xov xwm qhia tias muaj qee leej raug ntes. Yog li ntawd, muaj qee tus pejxeem Asmeskas raug ntses kaw kom txog thaum lawd muaj pov thawj tseeb tias lawd yog pejxeem Asmeskas tiag. Lawd tsis muaj kev ntseeg lawd tam sim ntawd.
Tsis tas li ntawd, peb kuj pom muaj ntau tus tib neeg, piv txwv li cov uas muaj DACA (Deferred Action for Childhood Arrivals), TPS, cov uas tuav daim U visa uas twb tau txais kev txiav txim tias yog muaj tseeb (bona fide determinations), thiab lwm cov neeg tab tom thov kev tiv thaiv (asylum). Lawd txhua tus tab tom raug nres thiab raug kaw. Qee leej yeej raug ntes, tabsis qee leej tsuas raug lus nug xwb, thiab lawd daim ntawv pov thawj ID raug cov neeg sawv cev no coj mus luam scan lossis thaij duab khaws cia.
Hos yog ICE lossis Tsoomfwv Asmeskas Lub Chaw Saib Xyuas thiab Tiv Thaiv Ciam Tebchaws cov neeg sawv cev yuam nkag mus rau ib lub tsev yam tsis muaj tsab ntawv tso cai uas ib tug kws txiav txim plaub tau kos npe, ces yuav ua li cas?
Lawd twb tau ua li ntawd ua yav tas lom lawm, thiab lawd tau ntsib ntau qhov kev foob. Kuv tus kheej twb tau foob cov rooj plaub zoo li no yav tas los lawm. Yuav nyuaj heev rau lawd los piav qhov tseeb tias qhov ntawd yog kev ua txhaum txoj cai lij choj raws li Fourth Amendment, thiab yog kev siv zog yuam uas dhau tshaj qhov raug tso cai, tshwj tsis yog lawd muaj tsab ntawv tso cai ntawm lub tsev hais plaub uas ib tug kws txiav txim plaub hauv tsoomfwv tau kos npe tso cai.
Yog ICE tuaj khob koj lub qhov rooj thiab hais tias lawv muaj tsab ntawv tso cai, koj yuav tsum ua li cas tam sim ntawd?
Kuv rov hais dua tias, thawj qhov yog yuav tsum nyob tus yees. Qhov thib ob yog, yog muaj dabtsi tsis txhob qhib lub qhov rooj. Yog tias muaj ob lub qhov rooj, tsis txhob qhib txawm yog lub qhov rooj sab hauv, vim qhov ntawd tej zaum yuav qhia tau tias lawd muaj cai taug kev nkag los.
Nug tus neeg sawv cev uas nyob sab nraud seb lawd puas muaj tsab ntawv tso cai raug cai uas ib tug kws txiav txim plaub tau kos npe. Yog lawd teb tias muaj, ces hais rau lawv tias, thov muaj tsab ntawv ntawd ntsaws nkag los hauv qab qhov rooj kom peb thiaj li saib tau peb mam li sib tham. Yog tias yus tuaj yeem qhia tau tias tsab ntawv ntawd yog tsab ntawv tso cai raug cai los ntawm lub tsev hais plaub, ces raws li txoj cai lij choj, lawv muaj cai qhib lub qhov rooj.
Koj kuj hais tau tias, kuv tsis pom zoo kom nej nkag los hauv kuv lub tsev lossis tshawb xyuas kuv lub tsev, thiab koj tuaj yeem hais li ntawd ntawm lub qhov rooj nrog lub suab nrov kom lawd hnov tseeb.
Yog ICE nkag los tsis raws cai, tus neeg yuav tsum ua dab tsi tom qab?
Sau tseg txhua yam, hnub tim, sijhawm, tus lej paib (badge) yog koj pom tau, tus lej tsheb, thiab txhua yam lus uas lawd hais. Muaj ib lo lus hauv txoj cai hu ua excited utterances uas yog cov lus teb thawj zaug tam sim ntawd. Qhov no yog cov ua tswhm sim tam siv. Cov uas yog yam yus sau thiab hais tam sim ntawd. Sau rau hauv ib daim ntawv, kaw suab, piav kom meej raws nraim li qhov uas tau tshwm sim. Tiv tauj phooj ywg, tsev neeg, ib tug kws lij choj ua haujlwm rau kev tsiv teb tsaws chaw, thiab ceeb toom rau ib tus neeg tam sim ntawd txog qhov uas tau tshwm sim.
Kuv ntseeg tias yam muaj zog tshaj plaws uas peb ua tau los tawm tsam cov kev ua txhaum no, thiab yam uas zoo li yog kev hem kom ntshai, yog kev sau tseg thiab kev ceeb toom qhia tawm.
Puas raug cai kaw yees duab lossis kaw suab txog cov neeg sawv cev ICE?
Yog, raug cai.
Yog ib tug neeg raug ICE ntes mus kaw, lawd yuav tsum hu rau leej twg, thiab tsev neeg yuav tsum ua li cas?
Thaum lawd raug ntes mus kaw, lawd yuav tsum hu rau ib tug neeg hauv tsev neeg lossis ib tug phooj ywg.
Kuv pab txhawb kom cov tib neeg uas xav tias lawd tus neeg tau ploj lawm, thiab yog tias tsis muaj xov xwm tau tshaj 24 teev, kom mu hu rau tub ceev xwm hauv zos thiab qhia tias, kuv txiv lossis kuv niam tau ploj lawm.
Feem ntau tub ceev xwm yuav tiv tauj Lub Tsev Haujlwm Ntsig Txog Kev Saib Xyuas Kev Ruaj Ntseg Hauv Tebchaws (Department of Homeland Security), thiab lawd mam li mus xyuas.
Tib neeg yuav npaj ua ntej li cas rau qhov xwm txheej uas yuav ntsib ICE?
Tibneeg yeej yuav tsum sib tham txog qhov no. Qhov no siv rau cov pejxeem Asmeskas thiab cov uas tsis yog pejxeem. Tibneeg yuav tsum npaj ib txoj kev rau lawd tus kheej uas yog kev haum rau lawv txoj kev xav tau.
Yog lawd muaj nyiaj nyob hauv tsev txhab nyiaj, tej zaum nws yuav nyuaj rau kev rho tau cov nyiaj ntawd yog tsis muaj lwm tus uas tus muaj cai sawv cev (power of attorney).
Cov niam txiv yuav tsum muaj ib txoj kev npaj rau lawd cov menyuam, thiab tham nrog lawd cov menyuam raws li hnub nyoog.
Cov tibneeg uas muaj kev pheej hmoo yuav raug ntes kaw yuav tsum mus tham nrog ib tug kws lij choj, ntiav ib tug kws lij choj, thiab npaj txhij yog tias muaj dabtsi tshwm sim.
Tibneeg puas yuav tsum tau nqa lawd cov ntaub ntawv qub nrog lawd?
Kuv mij ntsis yig txog kev nqa daim ntawv tiag xws li cov passport lossis cov ntawv yug. Tabsis raws li txoj cai, koj yuav tsum nqa daim ntawv tso cai DACA qub, daim ntawv tso cai TPS. Koj yuav tsum nqa daim npav ntsuab (Legal Permanent Resident card).
Cov pejxeem Asmeskas tsis tas yuav nqa lawd daim passport tiag nrog lawd. Yog li ntawd, kuv thiaj li thaij duab kuv daim passport thiab khaws cia hauv kuv lub xov tooj.
